ENGLISH ਪੰਜਾਬੀ हिंदी
Chicago booked.net
+35°F
Visitors
   
Impreza
YOUR REGION YOUR PAPER A SUPPORT FOR ALL COMMUNITIES

Our Followers: 13300947 Follow Us
   View Details << Back

Hajj 2026 starts: ਪਵਿੱਤਰ ਹੱਜ ਯਾਤਰਾ ਅੱਜ ਤੋਂ ਸ਼ੁਰੂ: ਭਾਰਤ ਦੇ 1.75 ਲੱਖ ਸ਼ਰਧਾਲੂਆਂ ਸਮੇਤ ਦੁਨੀਆ ਭਰ ਦੇ ਲੱਖਾਂ ਮੁਸਲਮਾਨ ਮੱਕਾ ਪਹੁੰਚੇ

  Hajj 2026 starts: ਪੱਛਮੀ ਏਸ਼ੀਆ ਵਿੱਚ ਚੱਲ ਰਹੇ ਖੇਤਰੀ ਤਣਾਅ ਦੇ ਸਾਏ ਹੇਠ, ਇਸਲਾਮ ਧਰਮ ਦੀ ਪਵਿੱਤਰ ਪੰਜ ਰੋਜ਼ਾ ‘ਹੱਜ ਯਾਤਰਾ’ ਅੱਜ ਸੋਮਵਾਰ ਤੋਂ ਸ਼ੁਰੂ ਹੋ ਗਈ ਹੈ। ਦੇਸ਼-ਵਿਦੇਸ਼ ਤੋਂ ਆਏ ਲਗਭਗ 16 ਲੱਖ ਤੋਂ ਵੱਧ ਮੁਸਲਮਾਨਾਂ ਨੇ ਸਾਊਦੀ ਅਰਬ ਦੇ ਪਵਿੱਤਰ ਸ਼ਹਿਰ ਮੱਕਾ ਤੋਂ ਮੀਨਾ (Mina) ਦੇ ਇਤਿਹਾਸਕ ਤੰਬੂਆਂ ਵਾਲੇ ਸ਼ਹਿਰ ਵੱਲ ਆਪਣਾ ਸਫ਼ਰ ਸ਼ੁਰੂ ਕਰ ਦਿੱਤਾ ਹੈ। ਸ਼ਰਧਾਲੂ ਅੱਜ ਦੀ ਰਾਤ ਮੀਨਾ ਦੇ ਖੁੱਲ੍ਹੇ ਮੈਦਾਨਾਂ ਵਿੱਚ ਬਣੇ ਤੰਬੂਆਂ ਵਿੱਚ ਇਬਾਦਤ ਕਰਦਿਆਂ ਬਿਤਾਉਣਗੇ, ਜਿਸ ਤੋਂ ਬਾਅਦ ਮੰਗਲਵਾਰ ਨੂੰ ਤੜਕਸਾਰ ਹੱਜ ਦੀ ਮੁੱਖ ਰਸਮ ਅਤੇ ਪ੍ਰਾਰਥਨਾਵਾਂ ਲਈ ‘ਅਰਾਫ਼ਾਤ ਦੇ ਮੈਦਾਨਾਂ’ ਵੱਲ ਕੂਚ ਕੀਤਾ ਜਾਵੇਗਾ। ਇਸ ਵਾਰ ਭਾਰਤ ਤੋਂ ਲਗਭਗ 1.75 ਲੱਖ ਸ਼ਰਧਾਲੂ ਇਸ ਮੁਕੱਦਸ ਯਾਤਰਾ ਵਿੱਚ ਹਿੱਸਾ ਲੈ ਰਹੇ ਹਨ। ਇਰਾਨ ਜੰਗ ਦੇ ਚਲਦਿਆਂ ਬਣੇ ਨਾਜ਼ੁਕ ਜੰਗਬੰਦੀ ਦੇ ਹਾਲਾਤ ਅਤੇ ਇਲਾਕੇ ਵਿੱਚ ਪਸਰੀ ਅਨਿਸ਼ਚਿਤਤਾ ਦੇ ਬਾਵਜੂਦ, ਅਕੀਦਤਮੰਦਾਂ ਦੇ ਉਤਸ਼ਾਹ ਵਿੱਚ ਕੋਈ ਕਮੀ ਨਹੀਂ ਦੇਖਣ ਨੂੰ ਮਿਲ ਰਹੀ। ਯਾਤਰਾ ਦੇ ਪਹਿਲੇ ਦਿਨ, ਮੱਕਾ ਦੀ ਗਰਮੀ ਦੀ ਪਰਵਾਹ ਕੀਤੇ ਬਿਨਾਂ ਸ਼ਰਧਾਲੂ ਮਸਜਿਦ-ਅਲ-ਹਰਾਮ ਵਿੱਚ ਪਵਿੱਤਰ ‘ਕਾਬਾ’ ਦੇ ਆਲੇ-ਦੁਆਲੇ ਪਰਿਕਰਮਾ (ਤਵਾਫ਼) ਕਰਦੇ ਨਜ਼ਰ ਆਏ। ਸ਼ਰਧਾਲੂਆਂ ਲਈ ਹੱਜ ਇੱਕ ਅਜਿਹਾ ਰੂਹਾਨੀ ਅਨੁਭਵ ਹੈ, ਜਿੱਥੇ ਉਹ ਖ਼ੁਦਾ ਦੀ ਰਹਿਮਤ ਅਤੇ ਆਪਣੇ ਪਿਛਲੇ ਗੁਨਾਹਾਂ ਦੀ ਮਾਫ਼ੀ ਲਈ ਪੂਰੀ ਸ਼ਰਧਾ ਨਾਲ ਦੁਆਵਾਂ ਮੰਗਦੇ ਹਨ।
  ਖਾਸ ਖਬਰਾਂ











© All rights Reserved. ADBHHUT MEDIA.