View Details << Back    

ਇਰਾਨ ਦਾ ਬਹਿਰੀਨ ਵਿੱਚ ਅਮਰੀਕੀ ਰਾਡਾਰ ਨਸ਼ਟ ਕਰਨ ਦਾ ਦਾਅਵਾ; ਅਮਰੀਕੀ ਫੌਜ ਨੇ ਦੋ ਇਰਾਨੀ ਡਰੋਨ ਡੇਗੇ

  
  
Share
  ਅਮਰੀਕੀ ਫੌਜ ਨੇ ਸ਼ੁੱਕਰਵਾਰ ਨੂੰ ਦਾਅਵਾ ਕੀਤਾ ਕਿ ਉਸਨੇ ਬਹਿਰੀਨ ਵੱਲ ਦਾਗੇ ਗਏ ਇਰਾਨ ਦੇ ਦੋ ਡਰੋਨਾਂ ਨੂੰ ਨਾਕਾਮ ਕਰ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਇਰਾਨ ਦੇ ਅਰਧ-ਸੈਨਿਕ ਬਲ 'ਰੈਵੋਲਿਊਸ਼ਨਰੀ ਗਾਰਡ' (ਆਈ ਆਰ ਜੀ) ਨੇ ਬਹਿਰੀਨ ਵਿੱਚ ਸਥਾਪਿਤ ਅਮਰੀਕੀ 'ਅਰਲੀ-ਵਾਰਨਿੰਗ ਰਾਡਾਰ ਸਿਸਟਮ' ਨੂੰ ਨਿਸ਼ਾਨਾ ਬਣਾਉਣ ਦੀ ਗੱਲ ਕਹੀ ਸੀ। ਰੈਵੋਲਿਊਸ਼ਨਰੀ ਗਾਰਡ ਨੇ ਇਹ ਵੀ ਦਾਅਵਾ ਕੀਤਾ ਸੀ ਕਿ ਹਰਮੁਜ਼ ਜਲਮਾਰਗ (Strait of Hormuz) ਤੋਂ ਲੰਘਣ ਦੀ ਕੋਸ਼ਿਸ਼ ਕਰ ਰਿਹਾ ਇੱਕ ਟੈਂਕਰ ਬਾਰੂਦੀ ਸੁਰੰਗ (Mine) ਦੀ ਚਪੇਟ ਵਿੱਚ ਆ ਗਿਆ, ਜਿਸ ਕਾਰਨ ਉਸ ਵਿੱਚ ਧਮਾਕਾ ਹੋ ਗਿਆ। ਹਾਲਾਂਕਿ, ਆਈ ਆਰ ਜੀ ਦੇ ਦੋਵਾਂ ਦਾਅਵਿਆਂ ਦੀ ਸੁਤੰਤਰ ਤੌਰ 'ਤੇ ਪੁਸ਼ਟੀ ਨਹੀਂ ਹੋ ਸਕੀ ਹੈ। ਅਮਰੀਕੀ ਫੌਜ ਨੇ ਦੱਸਿਆ ਕਿ ਉਸਨੇ ਬਹਿਰੀਨ ਵੱਲ ਆ ਰਹੇ ਇਰਾਨ ਦੇ ਦੋ ਹਮਲਾਵਰ ਡਰੋਨਾਂ ਨੂੰ ਮਾਰ ਮੁਕਾਇਆ ਹੈ। ਇਸ ਦੇ ਨਾਲ ਹੀ ਉਸਨੇ ਇਰਾਨ ਵੱਲੋਂ ਬਹਿਰੀਨ ਵਿੱਚ ਉਸਦੇ ਰਾਡਾਰ ਨੂੰ ਨਸ਼ਟ ਕਰਨ ਦੇ ਦਾਅਵੇ ਨੂੰ ਵੀ ਸਿਰੇ ਤੋਂ ਖਾਰਜ ਕਰ ਦਿੱਤਾ ਹੈ। ਅਮਰੀਕੀ ਫੌਜ ਦੀ ਕੇਂਦਰੀ ਕਮਾਂਡ ਨੇ ਕਿਹਾ ਕਿ ਇਰਾਨ ਦੇ ਹਮਲੇ ਵਿੱਚ ਜਾਨ-ਮਾਲ ਦਾ ਕੋਈ ਨੁਕਸਾਨ ਨਹੀਂ ਹੋਇਆ ਹੈ। ਇਰਾਨ ਦੀ ਸਰਕਾਰੀ ਨਿਊਜ਼ ਏਜੰਸੀ 'ਇਰਨਾ' (IRNA) ਨੇ ਰੈਵੋਲਿਊਸ਼ਨਰੀ ਗਾਰਡ ਦੇ ਹਵਾਲੇ ਨਾਲ ਖ਼ਬਰ ਦਿੱਤੀ ਕਿ ਅਮਰੀਕੀ ਰਾਡਾਰ ਪ੍ਰਣਾਲੀ 'ਤੇ ਇਹ ਹਮਲਾ, ਦੱਖਣੀ ਇਰਾਨੀ ਬੰਦਰਗਾਹ ਸਿਰਿਕ ਵਿੱਚ ਇੱਕ ਦੂਰਸੰਚਾਰ ਟਾਵਰ 'ਤੇ ਕੀਤੇ ਗਏ ਅਮਰੀਕੀ ਹਮਲੇ ਤੋਂ ਬਾਅਦ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਬਹਿਰੀਨ ਇਰਾਨ ਦੇ ਸਭ ਤੋਂ ਸਖ਼ਤ ਆਲੋਚਕਾਂ ਵਿੱਚੋਂ ਇੱਕ ਰਿਹਾ ਹੈ ਅਤੇ ਇੱਥੇ ਅਮਰੀਕੀ ਜਲ ਸੈਨਾ (ਨੇਵੀ) ਦਾ ਪੰਜਵਾਂ ਬੇੜਾ ਤਾਇਨਾਤ ਹੈ। ਆਈ ਆਰ ਜੀ ਮੁਤਾਬਕ, ਰਾਡਾਰ 'ਤੇ ਕੀਤਾ ਗਿਆ ਹਮਲਾ ਅਮਰੀਕਾ ਲਈ ਇੱਕ ਗੰਭੀਰ ਚਿਤਾਵਨੀ ਹੈ ਕਿ ਉਹ ਆਪਣੇ ਹਮਲੇ ਬੰਦ ਕਰੇ।
  LATEST UPDATES