ENGLISH ਪੰਜਾਬੀ हिंदी
Chicago booked.net
+35°F
Visitors
   
Impreza
YOUR REGION YOUR PAPER A SUPPORT FOR ALL COMMUNITIES
Our Followers: 9300935 Follow Us
   View Details << Back

Baltimore Bridge Collapse: ਇੱਕ ਪਲ਼ ਵਿੱਚ ਢਹਿ ਗਿਆ 47 ਸਾਲਾਂ ਦਾ 'ਇਤਿਹਾਸ', ਕੀ ਹੈ ਬਾਲਟੀਮੋਰ ਬ੍ਰਿਜ ਦੀ ਖ਼ਾਸੀਅਤ; ਇੱਥੇ ਜਾਣੋ ਸਾਰੇ ਸਵਾਲਾਂ ਦੇ ਜਵਾਬ

  ਬਾਲਟੀਮੋਰ : ਮੰਗਲਵਾਰ 26 ਮਾਰਚ ਦਾ ਦਿਨ ਹੁਣ ਅਮਰੀਕਾ ਦੇ ਇਤਿਹਾਸ ਦਾ ਇਤਿਹਾਸਕ ਦਿਨ ਬਣ ਗਿਆ ਹੈ। ਮੰਗਲਵਾਰ ਨੂੰ ਜਦੋਂ ਬਾਲਟੀਮੋਰ ਦੇ 'ਫ੍ਰਾਂਸਿਸ ਸਕੌਟ ਕੀ ਬ੍ਰਿਜ' ਨਾਲ ਇਕ ਮਾਲਵਾਹਕ ਜਹਾਜ਼ ਟਕਰਾ ਗਿਆ। ਜਿਵੇਂ ਹੀ ਜਹਾਜ਼ ਪੁਲ ਨਾਲ ਟਕਰਾਇਆ, ਪੂਰਾ ਕੀ ਬ੍ਰਿਜ ਤਾਸ਼ ਦੇ ਡੇਕ ਵਾਂਗ ਢਹਿ ਗਿਆ। ਇਸ ਨਾਲ ਅਮਰੀਕੀ ਇਤਿਹਾਸ ਦਾ ਇੱਕ ਪ੍ਰਤੀਕ ਨਸ਼ਟ ਹੋ ਗਿਆ। ਮੰਗਲਵਾਰ ਨੂੰ ਜਦੋਂ ਇੱਕ ਮਾਲਵਾਹਕ ਜਹਾਜ਼ ਬਾਲਟੀਮੋਰ ਬ੍ਰਿਜ ਨਾਲ ਟਕਰਾ ਗਿਆ ਅਤੇ ਇਸ ਤੋਂ ਬਾਅਦ ਪੂਰਾ ਪੁਲ ਢਹਿ ਗਿਆ। ਇਸ ਪੁਲ ਦਾ ਡਿੱਗਣਾ ਸਿਰਫ਼ ਕਿਸੇ ਢਾਂਚੇ ਦਾ ਢਹਿ ਜਾਣਾ ਨਹੀਂ ਹੈ। ਇਸ ਪੁਲ ਵਿੱਚ ਅਮਰੀਕਾ ਦਾ 47 ਸਾਲ ਦਾ ਇਤਿਹਾਸ ਸੀ, ਜੋ ਹੁਣ ਗਾਇਬ ਹੋ ਕੇ ਪਾਣੀ ਵਿੱਚ ਡੁੱਬ ਗਿਆ ਹੈ। ਆਓ ਜਾਣਦੇ ਹਾਂ ਇਸ ਹਾਦਸੇ 'ਚ ਹੁਣ ਤੱਕ ਕੀ ਹੋਇਆ ਅਤੇ ਕੀ ਹੈ ਇਸ ਪੁਲ ਦਾ ਇਤਿਹਾਸ।

ਕਿਵੇਂ ਵਾਪਰੀ ਇਹ ਘਟਨਾ: ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ 'ਡਾਲੀ' ਨਾਮ ਦਾ ਇੱਕ ਮਾਲਵਾਹਕ ਜਹਾਜ਼ ਬਾਲਟੀਮੋਰ ਦੇ 'ਫ੍ਰਾਂਸਿਸ ਸਕੌਟ ਕੀ ਬ੍ਰਿਜ' ਦੇ ਖੰਭਿਆਂ ਨਾਲ ਟਕਰਾ ਗਿਆ, ਜਿਸ ਤੋਂ ਬਾਅਦ ਪੁਲ ਦਾ ਪੂਰਾ ਢਾਂਚਾ ਪਾਣੀ ਵਿੱਚ ਡਿੱਗ ਗਿਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪੁਲ ਨਾਲ ਟਕਰਾਉਣ ਤੋਂ ਪਹਿਲਾਂ ਜਹਾਜ਼ ਦੀਆਂ ਲਾਈਟਾਂ ਬੰਦ ਹੋ ਗਈਆਂ ਸਨ ਅਤੇ ਜਹਾਜ਼ ਆਪਣਾ ਰਸਤਾ ਭਟਕ ਗਿਆ ਸੀ। ਮੈਰੀਲੈਂਡ ਦੇ ਗਵਰਨਰ ਵੇਸ ਮੂਰ ਨੇ ਕਿਹਾ ਕਿ ਜਹਾਜ਼ ਦੇ ਚਾਲਕ ਦਲ ਨੂੰ ਪੁਲ ਨਾਲ ਟਕਰਾਉਣ ਤੋਂ ਪਹਿਲਾਂ ਜਹਾਜ਼ ਦੇ ਟਿਕਾਣੇ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਸੀ, ਜਿਸ ਨਾਲ ਅਧਿਕਾਰੀਆਂ ਨੂੰ ਪੁਲ ਪਾਰ ਕਰਨ ਤੋਂ ਆਉਣ ਵਾਲੇ ਆਵਾਜਾਈ ਨੂੰ ਰੋਕਣ ਦੀ ਇਜਾਜ਼ਤ ਦਿੱਤੀ ਗਈ ਸੀ।

ਕਿੰਨੇ ਲੋਕ ਹੋਏ ਇਸ ਹਾਦਸੇ ਦਾ ਸ਼ਿਕਾਰ : ਨਿਊਜ਼ ਏਜੰਸੀ ਰਾਇਟਰਜ਼ ਮੁਤਾਬਕ ਜਦੋਂ ਇਹ ਪੁਲ ਡਿੱਗਿਆ ਉਸ ਸਮੇਂ ਅੱਠ ਲੋਕ ਮੌਜੂਦ ਸਨ। ਫਾਇਰ ਅਧਿਕਾਰੀਆਂ ਅਤੇ ਮੈਡੀਕਲ ਸੈਂਟਰ ਨੇ ਕਿਹਾ ਕਿ ਘੱਟੋ-ਘੱਟ ਦੋ ਲੋਕਾਂ ਨੂੰ ਬਚਾਇਆ ਗਿਆ, ਜਿਨ੍ਹਾਂ ਵਿੱਚੋਂ ਇੱਕ ਨੂੰ ਹਸਪਤਾਲ ਲਿਜਾਇਆ ਗਿਆ।

ਬਚਾਅ ਕਾਰਜ ਕਿਵੇਂ ਚੱਲ ਰਿਹਾ ਹੈ: ਮੈਰੀਲੈਂਡ ਰਾਜ ਦੇ ਪੁਲਿਸ ਸਕੱਤਰ ਕਰਨਲ ਰੋਲੈਂਡ ਐਲ. ਬਟਲਰ ਜੂਨੀਅਰ ਦੇ ਅਨੁਸਾਰ, ਵੱਖ-ਵੱਖ ਰਾਜਾਂ ਅਤੇ ਸਥਾਨਕ ਏਜੰਸੀਆਂ ਤੋਂ ਗੋਤਾਖੋਰੀ ਟੀਮਾਂ ਨੂੰ ਖੋਜ ਅਤੇ ਬਚਾਅ ਕਾਰਜਾਂ ਵਿੱਚ ਸਹਾਇਤਾ ਲਈ ਲਿਆਂਦਾ ਗਿਆ ਹੈ। 50 ਬਚਾਅ ਕਰਮਚਾਰੀਆਂ ਨਾਲ ਖੋਜ ਮਿਸ਼ਨ ਸ਼ੁਰੂ ਕੀਤਾ ਗਿਆ।

ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਗਾਉਣ 'ਚ ਲੱਗੀ ਟੀਮ : ਜਾਂਚ ਅਧਿਕਾਰੀ ਅਜੇ ਇਹ ਪਤਾ ਲਗਾਉਣ 'ਚ ਲੱਗੇ ਹੋਏ ਹਨ ਕਿ ਹਾਦਸਾ ਕਿਵੇਂ ਵਾਪਰਿਆ। ਇਸ ਦੇ ਨਾਲ ਹੀ ਨੈਸ਼ਨਲ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਇਸ ਗੱਲ ਦੀ ਜਾਂਚ ਕਰੇਗਾ ਕਿ ਪੁਲ ਕਿਵੇਂ ਬਣਿਆ ਅਤੇ ਢਾਂਚੇ ਦੀ ਵੀ ਜਾਂਚ ਕੀਤੀ ਜਾਵੇਗੀ। NTSB ਦੀ ਚੇਅਰ ਜੈਨੀਫਰ ਹੋਮੇਂਡੀ ਨੇ ਕਿਹਾ ਕਿ ਇਹ "ਨਿਰਧਾਰਤ ਕਰਨ ਵਿੱਚ ਸਮਾਂ ਲਵੇਗਾ" ਕਿ ਕੀ ਪੁਲ ਨੂੰ ਕਦੇ ਕਿਸੇ ਸੁਰੱਖਿਆ ਕਮੀਆਂ ਲਈ ਫਲੈਗ ਕੀਤਾ ਗਿਆ ਸੀ ਜਾਂ ਨਹੀਂ।

ਕਦੋਂ ਬਣਿਆ ਸੀ ਬਾਲਟੀਮੋਰ ਦਾ ਇਹ ਪੁਲ਼

ਅਮਰੀਕਾ ਦੇ ਬਾਲਟੀਮੋਰ ਵਿੱਚ ਜੋ ਪੁਲ਼ ਹਾਦਸੇ ਦਾ ਸ਼ਿਕਾਰ ਹੋਇਆ ਹੈ, ਉਸ ਪੁਲ਼ ਦਾ ਨਾਂ ਹੈ 'ਫਰਾਂਸਿਸ ਸਕੌਟ ਕੀ ਬ੍ਰਿਜ' ਜਿਸ ਨੂੰ ਲੋਕ 'ਕੀ ਬ੍ਰਿਜ' ਦੇ ਨਾਂ ਨਾਲ ਵੀ ਜਾਣਗੇ ਹਨ। ਬਾਲਟੀਮੋਰ ਦੇ ਫਰਾਂਸਿਸ ਸਕੌਟ ਦੇ ਪੁਲ਼ ਦਾ ਨਿਰਮਾਣ 1972 ਵਿੱਚ ਸ਼ੁਰੂ ਹੋਇਆ ਅਤੇ 23 ਮਾਰਚ 1977 ਨੂੰ ਆਮ ਲੋਕਾਂ ਲਈ ਖੋਲ੍ਹਿਆ ਗਿਆ ਸੀ।

ਕੀ ਹਨ ਬਾਲਟੀਮੋਰ ਪੁਲ਼ ਦੀਆਂ ਵਿਸ਼ੇਸ਼ਤਾਵਾਂ

ਜਦੋਂ ਇਹ ਪੁਲ਼ ਸੰਨ 1977 ਵਿੱਚ ਆਮ ਲੋਕਾਂ ਲਈ ਖੋਲ੍ਹਿਆ ਗਿਆ ਤਾਂ ਇਹ ਪੁਲ 1.6 ਮੀਲ ਲੰਬਾ ਸੀ। ਇਸ ਪੁਲ ਪਟਾਪਸਕੋ ਨਦੀ ਦੇ ਦੂਜੇ ਕਿਨਾਰੇ ਨੂੰ ਬਾਲਟੀਮੋਰ ਬੰਦਰਗਾਹ ਨਾਲ ਜੋੜਦਾ ਸੀ। ਅਮਰੀਕਨ ਸੁਸਾਇਟੀ ਆਫ਼ ਸਿਵਲ ਇੰਜੀਨੀਅਰਜ਼ ਦੇ ਅਨੁਸਾਰ, ਇਹ ਸੰਯੁਕਤ ਰਾਜ ਅਮਰੀਕਾ ਵਿੱਚ ਦੂਜਾ ਸਭ ਤੋਂ ਵੱਡਾ ਲਗਾਤਾਰ-ਟ੍ਰਸ ਪੁਲ਼ ਅਤੇ ਦੁਨੀਆ ਵਿੱਚ ਤੀਜਾ ਸਭ ਤੋਂ ਲੰਬਾ ਪੁਲ਼ ਸੀ।

ਪੁਲ਼ ਟੁੱਟਣ ਨਾਲ ਕਿੰਨ ਨੁਕਸਾਨ ਹੋਇਆ

ਫਰਾਂਸਿਸ ਸਕਾਟ ਕੀ ਪੁਲ਼ ਨੂੰ ਬਣਾਉਣ ਵਿੱਚ 110 ਮਿਲੀਅਨ ਡਾਲਰ ਭਾਵ 11 ਕਰੋੜ ਰੁਪਏ ਦਾ ਖ਼ਰਚ ਆਇਆ ਸੀ। ਇਹ ਇਕ ਚਾਰ ਲੇਨ ਵਾਲਾ ਪੁਲ਼ ਹੈ ਜੋ ਨਦੀ ਤੋਂ ਲਗਪਗ 56 ਮੀਟਰ ਉੱਪਰ ਹੈ। ਇਹ 1977 ਵਿੱਚ ਖੁੱਲ੍ਹਿਆ ਅਤੇ ਪਟਾਪਸੋਕ ਨਦੀ ਨੂੰ ਪਾਰ ਕਰਨ ਵਿੱਚ ਮਦਦ ਕਰਦਾ ਹੈ। ਇਹ ਅਮਰੀਕਾ ਦੇ ਪੂਰਬੀ ਕੰਢੇ ਲਈ ਇਕ ਪ੍ਰਮੁੱਖ ਆਵਾਜਾਈ ਕੇਂਦਰ ਅਤੇ ਬਾਲਟੀਮੋਰ ਬੰਦਰਗਾਹ ਦਾ ਦਾਖਲਾ ਬਿੰਦੂ ਮੰਨਿਆ ਜਾਂਦਾ ਹੈ।
  ਖਾਸ ਖਬਰਾਂ











© All rights Reserved. ADBHHUT MEDIA.